Ditën e sotme në media është bërë publik lajmi se në burgun e grave në Thiva ka humbur jetën një e dënuar rome me origjinë shqiptare.
Autoritetet greke kanë bërë me dije se nuk janë mësuar ende shkaqet që çuan në vdekjen e saj ndërsa gratë e tjera të burgut janë ngritur në protestë pasi mendojnë se ka vdekur prej Koronavirusit.
Gratë e tjera thanë se viktima 42 vjeç, kishte temperaturë ditët e fundit, si dhe shenja të ngjashme me simptomat e covid-19, ndërsa këto pretendime janë rrëzuar nga ministria e Mbrojtjes.
Gjthësesi rezultati përfundimtar pritet të merret pas analizave toksikologjike të trupit të së ndjerës.
Të dënuarat e tjera të burgut kanë organizuar një mini protestë duke djegur edhe disa batanije ndërsa pretendojnë se shkak për vdekjen është bërë virusi vdekjeprurës.