Ndërsa numri i të infektuarve me koronavirus në vendin tonë ka shkuar në 409 mëngjesin e sotëm, një ambulancë ka mbërritur në spitalin Infektiv dhe një burrë rreth të 50-ave është shtruar spital.
Burimet bëjnë me dije se burri ka rezultuar pozitiv për koronavirusin. Gjendja e tij nuk paraqitet e rënduar pasi ai nuk është transportuar me barelë në spital por është futur vetë pasi ka zbritur nga ambulanca.
Vendi ynë ka më shumë se tre javë në izolim ndërsa ka pasur për ditë evidentim të rasteve të reja të personave të infektuar me Koronavirus ndërsa ditën e sotme u shtuan vetëm 9 raste të reja.
Po ashtu mësohet se numri i personave që kanë humbur jetën prej pandemisë ka shkuar në 22.
Për fat të mirë ka pasur rritje të numrit të personave të shëruar dhe ka shkuar në 165.
Ditën e sotme harta e të prekurve është zgjeruar me 6 raste në Tiranë dhe 3 në Elbasan.