Numri i viktimave nga koronavirusi, vijon të rritet ndjeshëm në të gjithë botën, më së shumti në SHBA, Spanjë, Francë, Itali dhe Mbretërinë e Bashkuar.
Këtë mëngjes autoritetet kanë konfirmuar se numri i të infektuarëve në mbarë botën i ka kaluar 1 milion e 519 mijë, ndërsa numri i të vdekurve ka shkuar në 88,518.
Ndërkohë mbi 84 mijë vdekje janë regjistruar jashtë Kinës, vendit ku shpërtheu pandemia. SHBA dhe Franca janë vendet ku numri i viktimave po rritet me shpejtësi, pasi Italia ka shënuar disi rënie nga ditët e saj më të zeza.
Në shtetin fqinj zonat më të prekura janë Lombardia dhe Veneto, por jo vetëm. Numri i viktimave në Itali i ka kaluar 17,600.
Ndërkohë Spanja, Franca dhe SHBA janë vendet, të cilat po përballen edhe më keq me luftën kundër koronavirusit. Numri i viktimave në vendin iberik po ecën "në gjurmët" e Italisë ku deri më tani numërohen 14,792 të vdekur. Ndërsa SHBA ka numrin më të lartë të të infektuarëve në botë 435,160, dhe numëron afro 15,797 viktima.
Kujtojmë se Covid-19 ka prekur 400 persona në Shqipëri, 22 prej të cilëve kanë ndërruar jetë.
Burimi: worldometers.info