Miliona njerëz në të gjithë botën po qëndrojnë të izoluar në shtëpitë e tyre për shkak të situatës së krijuar nga pandemia Covid-19.
Të shumtë janë ata që po përpiqen të bëjnë edhe gjëra të çmendura, për t'u argëtuar sado pak e për të thyer disi rutinën e këtyre ditëve të vështira.
Një nga problematikat me të cilën po përballen shumë njerëz është edhe prerja e flokëve, pasi shumica e shteteve të botës, përfshirë edhe Shqipërinë, kanë vendosur mbylljen e berberhaneve dhe parukerive deri në qetësimin e situatës.
Ndërkohë, një e re nga Zelanda e Re, e quajtur Corrie Walker, ka bërë një veprim të pazakontë.
Kur kuptoi se nuk kishte gërshërë në shtëpi, ajo vendosi të përdorë disa thika kuzhine për të prerë flokët e saj.
Në një video të postuar në rrjetet sociale, ajo shpjegon se ka dy javë që nuk i ka krehur flokët e saj, të cilët janë bërë "si mos më keq".
Teksa foli për përvojën e pazakontë, Corrie tha:
Edhe në vendin tonë janë bërë virale disa video, ku qytetarë të ndryshëm kanë nisur të praktikojnë edhe zanatin e berberit.