Që prej përhapjes së pandemisë, maskat dhe dezifektantët janë dy nga produktet më të kërkuara në treg.
Por, teksa të gjithë njerëzit kanë vërshuar për të blerë maska, punonjësit e shëndetësisë kanë mbetur pa këto mjete të domosdoshme për punën e tyre.
Pavarësisht prodhimit në masë të tyre, duket se nevoja e tregut për maska nuk është plotësuar ende. Në mes të një situate të tillë, ka dhe persona që tentojnë të abuzojnë.Një burrë u kap duke vjedhur maska nga një spital në Londër. Ai u arrestua dhe mësohet se do të qëndrojë në burg për 3 muaj.
Personi në fjalë, nuk ishte punonjës i spitalit por thjesht një qytetar që kishte gjetur mënyrën për të kryer këtë krim.Policia tha që 34 vjeçari ishte ndaluar nga stafi i sigurimit në Spitalin e King’s College. Përhapja e këtij lajmi ka revoltuar jo vetëm punonjësit e shëndetësisë, por edhe qytetarët e thjeshtë të cilët e kanë konsideruar si një veprim anti-human.
Burimi: Reuters|Përktheu dhe Përshtati: JOQ Albania