Romela Begaj vazhdon të këmëngulë se ka qenë e pastër dhe nuk ka përdorur doping. Në një prononcim të dhënë së fundmi për "Supersport",Begaj u shpreh se asgjë nuk ishte e vërtetë, duke deklaruar se gjithçka ndodhi për shkak se jemi shtet i vogël.
Gjithashtu ajo u shpreh se nuk mori asnjë ndihmë nga shteti i saj, duke shtuar se harxhoi 70 mijë euro në gjyqe për të kërkuar të drejtën. Shumë kritike ishte në lidhje me shtetin, begaj tha gjithashtu se pavarësisht gjithçkaje është krenare me vendin e saj.
Romela u shpreh:
Më vejn shumë keq që e them, por është fatkeqësi që kam lindur në një shtet të vogël dhe pa mbrojtje. Jam krenare që jam shqiptare, por ato dieta ushqimore që jepnin është një skandal i vërtetë. Nuk kisha asnjë përkrahje e pse janë shumë medalje që kam sjell në Shqipëri. Puna e dënimit është një çështje e thellë pasi mirë herën e parë, po e dyta? Jam betuar në kuran dhe për flamur që jam e pastër e do të vazhdoj ta them gjithmonë. Nga shteti më kanë thënë shumë herë që do të më ndihmojnë, por asgjë nuk ka qenë e vërtetë. Unë të them të drejtën do të vazhdoj edhe pse kam harxhuar rreth 70 mijë euro nga kursimet e mia nëpër gjyqe, ndryshe nga politikanët tanë që kanë vila e shumë pasuri. Nuk do ta mbyll karrierën dhe do të vazhdoj dhe do të ngre sërish flamurin edhe pse shteti im më la në rrugë dhe nuk më ndihmoj”.
