Prej javësh është ndaluar futja e personave të ardhur nga vende të tjera në Shqipëri si rrjedhojë e masave për ndalimin e përhapjes së pandemisë së koronavirusit në vend.
Kjo situatë ka krijuar një gjendje të mjerueshme në disa pika kufitare ku emigrantët shqiptarë të ardhur nga jashtë shtetit kanë mbetur pa ushqim dhe pa ujë.
Gjendja më e rëndë është paraqitur në pikat doganore të Kakavijës dhe Kapshticës.
Një situatë e rëndë është regjistruar sot në doganën e Kapshticës kur njërit prej emigrantëve i ka rënë të fikët për shkak të mungesës së ushqimit dhe pagjumësisë.
Pjesa më e madhe e këtyre e migrantëve janë punonjës sezonalë në Greqi dhe e kanë të pamundur të jetojnë pa punë.
Ndërsa bëhet me dije se qeveria shqiptare ka refuzuar vazhdimisht futjen e tyre në vend duke mos bërë ende asgjë për zgjidhjen e situatës.
Një video e rëndë nga vendi i ngjarjes ka mbërritur një redaksinë e JOQ Albania nga një qytetar i pranishëm.