Para dy ditësh, Cristiano Ronaldo lëshoi një sfidë në profilin e tij zyrtar duke ftuar gjithë fansat e tij të tentonin të thyenin rekordin e portugezit.
Sulmuesi i Juventusit arriti të bënte 142 abdominale në 45 sekonda dhe sfidoi të tjerët që të provonin.
Të shumta kanë qenë përgjigjet nga njerëz të ndryshëm, sidomos nga bota e sportit.
Rekordi është thyer menjëherë, madje nga një femër.
Ishte atletja afrikano-jugore, Kaster Semenia, që ka thyer rekordin e CR7.
Kampionia e garës në 800 metra i sfidoi të gjithë, teksa arriti të bënte 176 abdominale në 45 sekonda, duke lënë pas saj të gjithë dhe duke treguar se kjo është si një lojë e lehtë për të.