Sulmuesi i kombëtares shqiptare, Azdren Llullaku vazhdon të luajë normalisht futboll, pasi në Bjellorusi aktivitet sportive nuk janë ndalur, pavarësisht gjendjes së jashtëzakonshme që po kalon bota për shkak të koronavirusit.
Deri në këto momente, aty rregjistrohen rreth 600 persona të infektuar ku 8 prej tyre kanë humbur jetën,por gjithçka vazhdon normalisht. Në një intervistë përSky Sport, Llullaku shpreh frikën që ndjejnë në seancat stërvitore dhe në vazhdimin e kampionatit.
Ai tha:
Këtu nuk flitet shumë për koronavirusin. Një ditë më parë luajtëm, sot ishim në stërvitje, një lojtar ka dalë pozitiv dhe kjo na shqetëson pak. Por është vendosur kështu dhe ne po përshtatemi. Tifozët, me vetë iniciativën e tyre, kanë vendosur që të mos vijnë të shumtë në stadium. Sipas meje, kjo është diçka pozitive, njerëzit fillojnë të kuptojnë se sa serioze është situata, edhe pse ende njerëzit nuk duken kaq të shqetësuar. Uroj që të mos krijohet ndonjë situatë dramatike, por nëse vazhdojmë kështu, me siguri do të ndodhë”.