Ylli i Mançester Cityt dhe kombëtares angleze, Kyle Walker ka qenë ditën e sotme në qendër të një skandali, pasi ka thyer rregullat e karantinës.
Ai ka organizuar një festë seksi me dy prostituta në apartamentin e tij luksoz në Manchester. Mbrojtësi 29-vjeçar, bashkë me një mikun e tij, pagoi dy vajzat për tre orë në shtëpinë e tij dhe kanë qëndruar së bashku.
Hipokrizia arriti kulmin, kur pak më vonë, Walker ftoi tifozët e ekipit të tij të respektojnë këshillat e qeverisë për të qëndruar në shtëpi dhe ndihmuar në frenimin e pandemisë së Koronavirusit.
Megjithatë, pas publikimit të lajmit, duket se Walker është penduar. Ylli anglez tashmë ka kërkuar falje për veprimet e tij, përmes një videoje, por nga ana tjetër, Manchester City ka filluar hetimet për të, pasi nuk është hera e parë që ai e tepron me sjelljet e tij.