COVID-19 ka parazlizuar gjithçka: jetën normale, ekonominë, njerëzit vazhdojnë që qëndrojnë të mbyllur, ndërsa çdo aktivitet sportiv është ndërprerë.
Që pas 10 marsit, nisi ndërprerja e kampionateve të futbollit, mes tyre edhe Premier League.
Kur kemi disa javë pa futboll, fansat e këtij sporti kanë nisur të meditojnë. Nëse koronavirusi nuk do të ekzistonte, këtë javë do shijonim një ndeshje magjike.
Manchester City do të priste Liverpoolin, në një ndeshje që do të përcaktonte titullin.
Liverpool ka nevojë për vetëm dy fitore për të siguruar titullin në Angli dhe mundësitë e mëdha kanë qenë që në ndeshjen kundër Manchester Cityt, ta fitonte atë trofe, që e pret prej 30 vitesh.
Në Gjermani, Borussia Dortmund do të përballej këtë javë me Bayern Munich, në një ndeshje po ashtu shumë të rëndësishme, ndërsa në Serie A, Lazio do të priste në shtëpi Milanin.
Koronavirusi na i mohoi të gjitha këto emocione...