Nëna invalide me 5 fëmijë: Jam gati të shes gjakun e trupit tim, për të siguruar ushqim

Gjendja në vendin tonë paraqitet e rënduar prej Covid-19. Teksa thirrjet për të qëndruar në shtëpi vazhdojnë, shumë shqiptarë kanë pak kursime mënjanë për të kaluar këtë periudhë të vështirë.

Disa ndoshta edhe nuk kanë fare, por historia e një gruaje që jeton në Tiranë është edhe më e trishtë se kaq. Ajo ka nisur një mesazh pranë redaksisë së JOQ Albania dhe tregon se është nëna e 5 fëmijëve dhe se është invalide.

Më tej tregon se jeton me qira. Ajo thotë se më parë punonte në të zezë dhe se tani që është në izolim në shtëpi, nuk ka ku të punojë për të ushqyer fëmijët e saj.

Fjalët që ka shkruar më pas në mesazhin që ka nisur pranë redakisë së JOQ Albania të thyejnë zemrën, pasi ajo shkruan se është gati të shes gjakun e trupit të saj për të siguruar ushqim për fëmijët e saj.

Kujtojmë këtu se kryeministri Edi Rama tha se do t’u jepenin ndihma atyre që janë në vështirësi, por rasti i kësaj nëne tregon të kundërtën.

Mesazhi i plotë:

Pershendetje joqalbania. Un qe Po ju shkruaj jam nje nene invalide kryefamiljare me 5 femij dhe qe jetoj me qera . Keto dit tè veshtira qe Po kalojm tè vetkarantinuar ne shtepi kemi nevoj tè ushqejm femijet. Un ne ditet e zakonçme Jam mesuar tè punoj ne tè zez per tè shkolluar dhe ushqyer femijet e mij ndersa sot nuk kam ku tè punoj per tè siguruar ushqim per femijt por jam gati tè shes gjakun e trupit per tè siguruar ushqim femijve. Grupi gjakut tim eshte AB+ . Faleminderit nese do ta publikoni Mira nga Tirana.