Natyra është treguar vërtet "bujare" me njeriun, pasi ky i fundit nga dita në ditë po përpiqet që t’i shkaktojë plagë gjithnjë e më të mëdha, si faunës ashtu edhe florës.
E teksa i gjithë vendi ndodhet në izolim prej gati tre javësh për shkak të koronavirusit, fenomeni i gjuetisë pa kriter vijon të praktikohet edhe në këto ditë.
Ka qenë një qytetar nga Shkodra, i cili ka dërguar një video në redaksinë e JOQ Albania, në të cilën shihet një shqiponjë e vrarë.
Ai shprehet se gjuetia pa kriter vijon edhe gjatë këtyre ditëve në zonën e Pentarit, në Dajç të Shkodrës, në afërsi të lumit Buna.
Qytetari thotë se videon e ka postuar një "Facebook" një banor i zonë që ka vrarë shpendin e rrallë, i cili gjendet edhe në flamurin tonë kombëtar, për më tepër që ndryshe njihemi edhe si "vendi i shqiponjave".
Siç shihet dhe në video, shpendi i gjorë është në grahmat e fundit të jetës.
Ai shkruan:
Prsh joq si ka mundsi qe cdo dit ne zonen e pentarit ne dajq shkoder vazhdon gjuetia pa kriter ne zonen e mrojtur afer lumit buna Kete vidjo e ka postuar ne facebook nje banor i zones i cili kete te marte ka vrare nje shqiponje.
Mesa duket as koronavirusi nuk e ndal dot fenomenin e gjuetiesë pa kriter, i cili është i ndaluar me ligj dhe është i dënueshëm.