Lëkundje të lehta tërmeti janë regjistruar pak minuta më parë në vend.
Lëkundjet janë ndjerë rreth orës 20:52, 15 km në veriperëndim të Vorës dhe 30 km në veriperëndim të Tiranës.
EMSC raporton se magniduta e goditjes ka qenë 3.1 sipas shkallës Rihter, me thellësi 37 km.
Për shkak të thellësisë së madhe dhe fuqisë së ulët goditëse, lëkundjet e pak minutave më parë thuajse nuk janë ndjerë fare.
Kujtojmë këtu që ekspertët kanë sqaruar qytetarët se pasgoditjet e tërmetit të 26 nëntorit mund të vazhdojnë për disa muaj.