Qyteti i Durrësit është përfshirë nga erëra të forta gjatë orëve të fundit.
Kjo ka bërë që të anullohen të gjitha lundrimet në Portin Detar të qytetit.
Në redaksinë e JOQ Albania ka mbërritur një mesazh nga një qytetar ku sipas tij për shak të motit të keq janë anuluar lundrimet.
Raportohet se era është mjaft e fortë duke detyruar me sa duket autoritetet për të marrë këtë masë.
Tragetet e linjës së Barit dhe të Ancona-s nuk nisen dot për shkak të erës së fortë, e cila ka shkaktuar edhe shtim të dallgëzimit.
Ndërkohë ditën e sotme, Autoriteti Portual Durrës njoftoi se në datat 26-28 shkurt moti do të përkeqësohet dhe bregdeti do të përfshihet nga dallgë të forta.
Njoftimi i plotë:
Në daten 26-27-28 shkurt 2020 moti do të përkeqësohet. Bregdeti ynë do të përfshihet ne daten 26 shkurt 2020 nga era me drejtim jug me shpejtësi deri në 27 nyje, lartësia e detit 2.3 m, kurse nē datën 27-28 shkurt 2020 drejtimi i erës do të ndryshojë në perëndim, veri-perëndim me shpjetësi deri në 31 nyje dhe lartësia e detit 3.9 m.Moti i përkeqësuar do të shtrihet në gjithë bregdetin tonë. Pritet që deri në mesditën e ditës së premte të jetë mot i përkeqësuar.
Si gjithmonë ju informojmë me qëllim parandalimin e çdo situate të papritur për shkak të kushteve atmosferike. Por gjithashtu kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmerisë së ekuipazhit në mjetet lundruese.
Foto ilustruese
