Disa vende evropiane kanë njoftuar rastet e tyre të para të koronavirusit, të gjitha siç duket të lidhura me shpërthimin e epidemisë në rritje në Itali.
Austria, Kroacia dhe Zvicra thanë se rastet kishin të bënin me njerëz që kishin qenë në Itali.
Testi i parë pozitiv i virusit është regjistruar në Amerikën Latine dhe ishte një banor brazilian i porsa kthyer nga Italia.
Ditët e fundit Italia është bërë vendi më i prekur në Evropë, me më shumë se 300 raste dhe 11 vdekje.
Por shtetet fqinje kanë vendosur të mos bëjnë mbylljen e kufinjve me shtetin Italian.
Ministrat e Shëndetësisë nga Franca, Gjermania, Italia dhe Komisioni i BE u angazhuan për mbajtjen e kufijve të hapur në një takim të martën.
Ministri italian i Shëndetësisë Roberto Speranza tha:
Ne po flasim për një virus që nuk respekton kufijtë."
Homologu i tij gjerman Jens Spahn tha se fqinjët po e merrnin situatën "shumë, shumë seriozisht", por pranoi "se mund të përkeqësohej para se të përmirësohet".
Në Mbretërinë e Bashkuar, nxënësit e shkollave që kthehen nga pushimet në veri të Italisë janë dërguar me urgjencë në shtëpi.
Sekretari britanik i Shëndetit, Matt Hancock tha që nuk kishte plane për të ndaluar fluturimet nga Italia, e cila tërheq rreth tre milionë vizitorë britanikë çdo vit:
Nëse shikoni në Itali, ishin ata që ndaluan të gjitha fluturimet nga Kina dhe tani janë vendi më i prekur në Evropë."
Në Austri, një çift i ri italian që jeton në Innsbruck në Tirol u konfirmuan se kishin virusin.
Shtëpia e çiftit u mbyll dhe një hotel në të cilin njëri prej çiftëve punonte ishte mbyllur.
Zvicra tha se një burrë në të 70-tat që jetonte në Ticino, në kufi me Italinë, ishte infektuar në qytetin e Milanos më 15 shkurt dhe tani ishte në izolim.
Një burrë në Kroaci që u kthye kohët e fundit nga Italia u bë pacienti i parë i konfirmuar në Ballkan.
Në ishullin spanjoll të Tenerife, deri në 1.000 pushues u mbyllën në një hotel pasi një mjek italian dhe gruaja e tij rezultuan pozitivë ndaj virusit.
Spanja raportoi rastin e parë në kontinent, duke përfshirë një grua në Barcelona që kishte qenë në veri të Italisë.
Franca dhe Gjermania raportuan gjithashtu raste të reja që përfshinin njerëz që kishin qenë kohët e fundit në veri të Italisë.
Burimi: bbc Përshtati dhe Përktheu: JOQ Albania
