Një qyetar ka shkruar sot në redaksinë e JOQ Albania.
Ai ka dërguar një video ku duket një skaf me velë që prej motit të ftohtë dhe me erë thuajse është përmbytur në det.
Sipas këtij qytetari, ngjarja ka ndodhur në qytetin e Durrësit në zonën e Vollgës tek shkallët.
Katër turistë të cilët vinin nga Turqia, 3 shtetas turq dhe një amerikan në moshë mbi 55 vjeç kishin marrë skafin dhe po lundronin në zonën e njohur si Ceka tek Vollga kur skafi i tyre është përplasur por fatmirësisht kanë shpëtuar pa asnjë dëmtim sot rreth orës 1 të mëngjesit.
Qytetari që ka bërë denoncimin tregon se këta turistë kishin thirrur për ndihmë.
Ai shton se së bashku me disa persona të tjerë me të cilët punonte tek Vollga, kanë njoftuar për ndihmë.
Turistët u strehuan në hotel ndërsa policia kufitare u mor më tej me skafin.
Mesazhi i qytetarit të pranishëm në vendngjarje:
