Një ngjarje e rëndë tronditi mbrëmjen e djeshme Mirditën. Motër e vëlla u qëlluan për vdekje, vetëm pak pasi kishin dalë nga makina.
Fatmir Kolecaj, 47-vjeç vrau ish-bashkëshorten Esmeralda Filopati 36-vjeçe dhe vëllain e saj Vledison Filopatin, 34-vjeç.
Ngjarja e rëndë, pothuajse ishte e lajmëruar pasi Koleci ka ushtruar dhunë vazhdimisht ndaj Esmeraldës në kohën kur ata kanë qenë të martuar. Kolecaj, i zuri pritë dy viktimave sapo ata kishin dalë nga makina dhe po drejtoheshin drejt shtëpisë.
Së fundmi është bërë publike edhe fotoja e autorit të vrasjes.
Lidhur me ngjarjen e rëndë është ofruar edhe shpërblim për këdo që ka informacion mbi autorin. Kujtojmë se Kolecaj ishte liruar nga burgu rreth një vit më parë, ndërsa kishte vijuar me kërcënimet ndaj viktimës. Ai mbante vazhdimisht armë në shtëpi.