Gjendet krijesa me pamje jashtëtokëse në breg, rezulton të jetë “qen-vrasëse”

Një krijesë misterioze me pamje "jashtëtokësore" është gjetur pranë një plazhi në Perth të Australisë.

Specia me pamje të çuditshme u gjet nga një burrë i cili e ndau një foto të saj në rrjetet sociale.

Në postimin e tij ai pyeti:

A e dini çfarë është kjo gjë me pamje "alieni" që po lahej në plazhin Leighton?!

Një burrë komentoi në statusin e tij, duke i sugjeruar personit që e gjeti "të merrte një qese plastike dhe ta hidhte", duke shtuar se "nuk duhet ta prekte, pasi krijesa në fjalë është qen-vrasëse".

Fotoja u bë virale në rrjet, ndërsa më vonë u konfirmua se krijesa misterioze ishte një lepur deti.

Profesori Culum Brown nga Departamenti i Shkencave Biologjike në Universitetin Macquarie tha se kur lepuri i detit alarmohet dhe frikësohet, prodhon një bojë të purpurt.

Ai tha:

Ata mund të jenë toksikë, në varësi të algave që kanë konsmuar.

Kjo ngjarje vjen pasi një grua në Queesland konstatoi një lepur deti në një plazh në veri të Brisbane vitin e kaluar.

Ajo postoi foton e krijesës së pazakontë, të cilën e përshkroi si "gjakderdhëse".

Gruaja pyeti në postim:

A e di dikush se çfarë është kjo? E kam gjetur të gjakosur në plazhin Scarborough.

Sipas ekspertëve, ka 23 lloje të ndryshme të lepujve të detit, të cilët kryesisht mund të gjenden në Oqenanin Indian dhe atë Paqësor. Më të rriturit peshojnë deri në 14 kilogramë.

Lepujt e detit besohet se janë të ngjashëm me oktapodët, pasi të dy mund të prodhojnë bojë në manovrat e tyre mbrojtëse.

Megjithatë, lepujt e detit ka tendencë ta përdori bojën si një mekanizëm mbrojtës, ndërsa oktapodët e përdorin zakonisht për të shpëtuar nga preja.

Boja e prodhuar nga lepujt e detit përmban toksina, të cilat mendohet se janë helmuese për qentë.

Dr Joshua Ovens, mjek i asociuar i shërbimit veterinar, paralajmëroi këdo që mendon se qeni i tyre mund të ketë ngrënë një lepur deti, të kontaktojë menjëherë me një mjek veteriner.

Burimi: Unilad|Përktheu dhe Përshtati: JOQ Albania