“Dëgjova zërin e babait që më thërriste” rrëfimi i pabesueshëm i gruas u kthye në jetë 10 orë pasi u shpall e vdekur

Një histori e pabesueshme ka ndodhur në Ukrainë, ku një grua e moshuar u kthye në jetë dhjetë orë pasi u shpall e vdekur.

83-vjeçarja Ksenia Didukh u shpall e vdekur në shtëpinë e saj në qytetin Stryazhavka janë e kaluar, pasi mjekët e urgjencës u thirrën nga të afërmit.

Mjekët e gjetën atë pa rrahje zemre dhe lajmëruan familjarët që 83-vjeçarja ka ndërruar jetë.

Mirëpo, dhjetë orë më vonë, teksa familja po përgatitej për ceremoninë mortore, ajo shfaqi shenja jete dhe u dërgua në spital, ku rimori vetëdijen.

Duke folur për përvojën e saj afër vdekjes, Ksenia tha se pa mbretërinë e parajsës dhe dëgjoi babanë e saj të ndjerë që i thërriste.

Kur ajo rimori vetëdijen tha:

Sytë e mi u hapën dhe njerëzit me të bardha rrinin rreth meje. Mendova se ishin ëngjëj, por këta ishin mjekë. Me sa duket, Zoti pati mëshirë për mua.

Vajza e saj, Tetyana Potemchenko tha se mjekët u lajmëruan rreth orës 6 të mëngjesit, kur nëna e saj, një infemiere në pension, u sëmur rëndë.

Mjekët thanë se ishte e panevojshme ta dërgonin në spital, pasi ajo po vdiste.

Ata kryen një EKG për të kontrolluar pulsin e saj dhe në aparaturë tregohej një vijë e drejtë, kështu që e shpallën të vdekur.

Familja po bënte gati funeralin e saj, përfshirë edhe punësimin e një prifti, që do të kryente ritualet fetare, gërmin e një varri dhe darkën e funeralit.

E bija e 83-vjeçares shtoi:

Rreth orës 7:30, i preka ballin nënës sime, dhe ishte i ngrohtë. Ajo ishte gjallë. Certifikata e vdekjes duhet të anulohet dhe të griset.

Prifti Roman Petrit, i cili do të kryente ritet fetare në funeralin e saj tha se kjo ishte një mrekulli e Zotit.

Ai tha:

Ka ndodhur mrekullia e ringjalljes. Zoti i dha jetë kësaj zonje të vjetër. Kjo është hera e parë që kam qenë dëshmitar i një gjëje të tillë.

Burimi: Daily Mail|Përktheu dhe Përshtati: JOQ Albania