Tre shqiptarë janë vënë në pranga në Itali, pasi akuzohen për kryerjen e disa veprave penale, që përfshijnë plaçkitjen dhe zhvatjen e parave.
Ata u kapën nga karabienierët në qytezën Terranova Da Sibari, pasi gjykata e Castrovillari-t kishte lëshuar ndaj tyre urdhër-arreste.
Hetimet ndaj tyre nisën në tetor të vitit të kaluar, pas dy ankesave të paraqitura në organet e drejtësisë.
Në mbrëmjen e 19 tetorit, shqiptarët kishin sulmuar një italian që po lëvizte me makinë në rrugën që lidhte Terranova da Sibarin me Spezzano Albanese.
Shtetasi italian u detyrua të ndalet për shkak të manovrave të makinës me ngjyrë të errët që i preu rrugën, në të cilët ndodheshin katër persona.
Ata e goditën në kokë me qytën e një arme zjarri dhe më pas e kërcënuan se do ta pushkatonin.
Në të njëjtën mbrëmje, shqiptarët kishin sulmuar dhe rrahur një tjetër italian brenda shtëpisë së tij në Spezzano Albanese. Ai e raportoi sulmin në polici disa orë pas ngjarjes.
Hetimet e karabinierëve bënë të mundur identifikimin e autorëve të dy sulmeve të dhunshme, pas kontrolleve të detajuara në vendet ku ndodhën ngjarjet dhe për përshkrimeve të bërë nga viktimat.
Ajo që habiti policinë italiane ishte se të dyshuarit i përkisnin të njëjtës familje.
Hetimet zbuluan gjithashtu se shqiptarët kryenin sulmet fizike pasi ata dyshuan se viktimat ishin vetë autorët e një vjedhjeje të shtëpisë së tyre.
Burimi: QuiCosenza|Përktheu dhe Përshtati: JOQ Albania
Foto ilustruese
