Pak më parë, në media u raportua se drejtori i Spitalit të Kavajës, Përparim Daiu, ka dhënë dorëheqjen.
Deri më tani nuk ka asnjë reagim nga vetë Daiu, apo ministria e Shëndetësisë, ndërkohë që arsyet e dorëheqjes nuk janë bërë të ditura.
Ish-kryeministri Sali Berisha, ka reaguar pas këtij lajmi përmes një statusi në "Facebook".
Berisha ka publikuar mesazhin e një mjeku në këtë qytet, i cili thotë se pasditen e sotme kryebashkiaku i Kavajës, Redjan Krali, ka zhvilluar një mbledhje me të gjithë drejtorët, ku ka patur debate të forta me drejtorin e Spitalit, Përparim Daiu.
Sipas qytetarit, shkak i debateve të forta mes tyre është bërë caktimi i spitalit të Kavajës si karantinë për rastet e mundshme të koronavirusit në Shqipëri.
Më tej, denoncuesi shprehet se Daiu e ka kundërshtuar kryebashkiakun kavajas, ndërsa ky i fundit e ka ofenduar dhe e ka shkarkuar nga puna.
Berisha shkruan se Rama dhe qeveria kërkojnë ta vendosin karantinën për koronavirusin në një nga zonat më të populluara të vendit.
Reagimi i plotë:
Edvin Hajduti larg duart nga Kavaja!
Edvin Hajduti dhe ndrikull Hajnia nuk i ndahen Kavajes. Ne vend se te krijojne ne baza ushtarake zonen e Karantines per te infektuarit ne koronavirusi dhe te trajtimit te tyre, duan te vendosin ate ne nje nga zonat me te populluara te vendit. Krim!
Lexoni denoncimin e mjekut dixhital. sb
Doktor, ne nje mbledhje te thirrur pasditen e sotme nga kryetari monist i Kavajes Redjan Krali me te gjithe drejtoret ka patur debate te forta me drejtorin e spitalit Perparim Daiu ne lidhje me shpalljen e spitalit tone Karantine. Pasi Daiu e ka kundershtuar kategorikisht dhe pas nje deklarate te tijen sot ne Klan se Kavaja nuk do te behej Karantine per Koronavirusin, Redjan Krali i ka kerkuar llogari se ne emer te kujt fliste ai dhe duke e share e ofenduar e i ka thene se je i shkarkuar nga detyra dhe mos te shoh më neser ne pune! Doktor, kjo pune nuk zgjidhet me shkarkim drejtorash por me anullimin e menjehershem te urdherit tinzar nga ministria per shpalljen e spitalit tone Karantine. Keta nuk njohin kufij kur partia u jep urdhra! Kryetari i Bashkisë i ka thene Po tha shef Edi karantine do behet karantine spitali dhe pike.