Një shqiptar ka rënë në prangat e policisë greke. E ditur bëhet se atij i janë sekuestruar 13 kg heroinë dhe rreth 1 kg kokainë.
Bashkë me të në pranga ka rënë edhe një grek, por sipas policisë helene shqiptari ishte kreu i bandës.
Operacioni që ka sjellë prangosjen e shqiptarit dhe grekut është zhvilluar në trenin e linjës Athinë-Selanik.
E ditur bëhet se shqiptari është 28-vjeç, kurse greku është 19-vjeç. Identiteti i tyre nuk është bërë i ditur.
Sipas informacioneve droga është gjetur në çantën e shqiptarit. Po ashtu e ditur bëhet se sasia e drogës do të shpërndahej në Selanik.
Prej kohësh bandat e drejtuara nga shqiptarët janë kthyer në një problem për policinë helene.