Një nga premtimet më të mëdha të Erion Veliajt në 2015-ën, ishte rikonstruksioni ose rivitalizimi i Kopshtit Zoologjik të Tiranës. Për 4 vitet e para të qeverisjes në krye të Bashkisë së Tiranës, Veliaj nuk bëri asgjë, madje kopshti degradoi edhe më keq seç ishte përpara se ai të vinte në pushtet.
Të vetmen gjë që bëri kryebashkiaku Veliaj për këtë kopsht ishtë shpenzimi i 220 milionë lekëve për projektimin e një Kopshti të ri. Tenderin për të bërë një projekt të ri, Veliaj ia dha kompanisë së mikut të tij “SON Engineering & Construksion”. Kjo kompani e drejtuar nga Erind Bejleri së bashku më “ A&E Engineering Shpk” bëri edhe projektin e ri sesi do të ndryshonte kopshti zoologjik.
Pasi harxhoi 220 milionë lekë vetëm për të bërë një projekt për rikonceptimin e kopshtit zoologjik, tani kryebashkiaku Veliaj ka bërë shpalljen e tenderit për fillimin e punimeve.
Tenderi i bërë publik para disa ditësh, ka një fond limit prej 7 miliard lekësh pa tvsh.
Por a ia vlen të shpenzohet kaq shumë për këtë subjekt, ndërkohë që në Tiranë ka gjëra më të rëndësishme, siç është mungesa e ujit të pijshëm apo infrastruktura rrugore.
A kushton realisht aq shumë rikonstruksioni i një kopshti zoologjik, apo edhe ky tender do të futet në listen e tenderave që janë më shumë të “fryrë” se vlera reale?
Por mesa duket Veliaj ka marrë “urdhër” nga kryeministri Rama për t’iu gjetur vend parave të fituara nga Konferenca e Donatorëve, pasi kryebashkiaku i Tiranës brenda dy ditësh ka hapur dy tendera që kapin shifrën e çmendur prej 10 miliard lekësh.
Tani mbetet për t’u parë nëse fituesi i këtij tenderi do jetë i zakonshmi “ Fusha”, apo në sitën e përfitimit të tenderave me shifra stratosferike do të hyjë një kompani e re.