Shqipëria mund të cilësohet me plot gojën si një "vend çudirash", pasi çuditë që ndodhin këtu janë të panumërta.
"Çudia" e rradhës kësaj here vjen nga Pediatria e Elbasanit.
Ka qenë një qytetar, i cili ka dërguar disa foto nga një dhomë pacientësh në spitalin e fëmijëve, ku "rastësisht" pranë krevatit ndodhet edhe një tub.
Do të ishte diçka normale nëse do të ishte tub aspirimi, por jo, tubi në fjalë është për shkarkim ujërash.
Sipas qytetarit tubi i shkarkimit është plastik dhe i lyer, por e ka të paqartë nëse shkarkon ujërat e bardha apo ato të zeza.
Mesazhi i plotë:
Ajo që mbetet e paqartë është se nuk dihet se si tubi i shkarkimit ka "mbirë" në dhomën e pacientëve në spital.
Zakonisht tubat e shkarkimit vendosen në pjesën e jashtme të ndërtesave, dhe është diçka e pazakontë të shohësh tuba shkarkimi në ambientet e brendshme, për më tepër kur bëhet fjalë për një ambient spitalor.
Nuk kemi ç'të shtojmë tjetër, përveçse të presim "çudinë" e rradhës.