JOQ Albania
Home

Shkup/ Më në fund, kalon ligji i shumëpritur, për Prokurorinë Publike
Shkruar nga: B Hasi | Publikuar më: 16/02/2020 13:03

  • Share
  • Share
  • Share
  • Share

Me 80 vota për dhe  6 kundër, kuvendi i Republikës së Maqedonisë së Veriut, votoi Ligjin për Prokurorinë Publike.

Fillimisht ligji nuk kaloi, pro votuan vetëm 74 deputetë. Kreu i Kuvendit, Talat Xhaferi anuloi votimin nën arsyetimin e pengesave teknike. Pas kësaj ndërhyrje procedurale kërkoi deputetja Liljana Popovska dhe deputeti Ferid Muhiç.

Pas ndërhyrjes procedurale të Poposkës dhe Muhiçit, Xhaferi sërish e vendosi Ligjin në votim, me çrastë pro ligjit votuan 80 deputetë dhe kundër ishin vetëm 6 deputetë të VMRo-DPMNE-së.

Pas kësaj koordinatori i VMRO-DPMNE-së  në ndërhyrjen e tij procedurale kundërshtoi votimin duke bërtitur kriminel, kriminel dhe kërkoi që votimi i parë të jetë valid dhe jo votimi i dytë dhe kërkoi pauzë njëorëshe.