JOQ Albania
Home

QSUT kërkon sponsor, 8 miliardë lekë për mirëmbajtjen e aparaturave mjekësore
Shkruar nga: N Hoxha | Publikuar më: 13/02/2020 16:28

  • Share
  • Share
  • Share
  • Share

Shëndetësia është një nga fushat ku jepen tenderat me shifrat më stratosferike. Edhe pse shërbimet lënë për të dëshiruar, kjo gjë nuk i ndalon institucionet nën varësi të Ministrisë së Shëndetësisë të harxhojnë miliarda lekë për shërbime të ndryshme që shumë qytetarë nuk i përfitojnë ashtu siç duhet.

Këtë gjë e tregon mjaft mirë, tenderi i shpallur së fundmi nga Qendra Spitalore Universitare “ Nënë Tereza”. Objekti i këtij tenderi është “ Mirëmbajtje e Aparaturave Mjekësore në QSU Nënë Tereza”, ndërsa fondi i tij është mbi kufirin e lartë monetar.

SPECIFIKAT E TENDERIT

Fondi limit i tenderit është plot 8.1 miliard, dhe kompania që do të ketë fatin e madh ta fitojë, do të kryejë mirëmbajtjen e aparaturave për 48 muaj. Fituesi i tenderit do të shpallet me 25 mars.

Ndërsa duhet të kujtojmë që Ministria e Shëndetësisë ka dhënë konçesionin e sterilizimit që ka si funksion mirëmbajtjen e të gjitha pajisjeve laboratorike për të gjithë spitalet e vendit, kjo gjë nuk e ka ndaluar QSUT-në që në këtë tender të përfshijë edhe këtë shërbim. QSUT drejtohet nga Enkel Joti

Por a i marrin siç duhet shërbimet bazike nëpër spitale qytetarët e vendit? A përputhën këto miliarda lekë që hidhen në Shëndetësi me ato çfarë realishtë u ofrohet qytetarëve?