JOQ Albania
Home

Ajo po fitonte bukën e gojës, OFL-ja rrethon gruan e moshuar dhe i sekuestron qeset me spinaq
Shkruar nga: V Gashi | Publikuar më: 13/02/2020 16:56

  • Share
  • Share
  • Share
  • Share

Operacioni Forca e Ligjit, ose ndryshe OFL duket se nuk po 'kursen' askënd.

Në një video të dërguar për redaksinë e JOQ, shfaqet një grua e moshuar në zonën e "Don Boskos" e cila rrethohet nga një tufë me policë të cilët tentojne t'i marrin ato pak zarzavate të vendosura në karrocën e saj që kishte për të siguruar bukën e sotme.

Të pamëshirshem dhe hijerëndë, ata duket se po debatojnë ashpër me zonjën e moshuar, madje dhe duke e shtyrë me duar, e cila sipas pamjeve ajo duket sikur i përgjërohet që të mos ia marrin kafshatën e gojës. Gjatë momentit në të cilën ndodh ngjarja,  është tërhequr dhe vëmendja e kalimtarëve të cilët kalojnë aty pranë. Në një moment të videos shihet një grua e cila i afrohet zonjës së moshuar dhe i del në mbrojtje përballe policisë, por tentativa duket se ka mbetur e kotë.

Raste si këto vazhdojnë të mbeten ende shumë shqetësuese dhe kanë ngjallur reagim të ashpër në opinionin publik.

View this post on Instagram

😐

A post shared by JOQ Albania (@joqalbania) on