“Dalin çdo 30 minuta dhe pijnë cigare”, qytetari denoncon infermieret ‘duhanxhesha’: Kam frikë të vizitoj fëmijët!

Një rast i pazakontë ka mbërritur sot në redaksinë e JOQ Albania, me protagoniste infermieret e një Qendre Shëndetësore në Durrës.

Bëhet fjalë për Qendrën Shëndetësore nr.4, në lagjen 18 të qytetit bregdetar.

Ka qenë një qytetar i indinjuar, i cili ka dërguar një video në redaksinë e JOQ Albania, ku shprehet se infermieret praktikojnë një "zakon" të çuditshëm.

Sipas tij, ato dalin jashtë ambienteve të Qendrës Shëndetësore dhe konsumojnë duhan.

Ai thekson se "ky avaz ndodh çdo 30 minuta", ndërsa shton se ka frikë të vizitojë fëmijën e tij, pasi sipas tij duart e tyre janë me nikotinë dhe ambienti kundërmon era duhan.

Mesazhi i plotë:

Pershendetje joq! Infermjeret e lagjes 18 me shum pin duhan se sa vizitojn ose punojn. E bejn kete gje cdo 30 min, kafe dhe cigare. Dit per dite ky avaz! Video esht bere sot ne Durres, e kam filmu nga shtepia. Do vizitoj femijen po sma mban se gishtat e tyre kan nikotin plus era e qelbet. Po te vini ketu do kenaqeni me ket vorbull duhanxhash qe vetem uniformen kan te bardh por te tjerat i kan duhan e kafe. Flm nese e postoni"

Vlen të theksohet se ky nuk është rasti i parë që ndodhin të tilla fenomene në Qendrat Shëndetësore, në të cilat kushtet higjieno-sanitare të personelit mjekësor apo në ambiente duhet të jenë një nga prioritetet kryesore.