Seriali mjaft i njohur amerikan “The Simpson”, i cili ka një audiencë të madhe, duket sikur po parashikon çdo ngjarje të rëndësishme që ndodh në botë.
Sipas një sekuence nga seriali, i filmuar në vitin 1993, shihet se ”The Simpson” kanë parashikuar edhe përhapjen e koroavirusit, i cili ka alarmuar mbarë botën ditët e fundit.
Videoja është bërë virale dhe tregon më së miri përhapjen e një virusi nga njerëzit, sipas “Simpsona-ve” nga Japonia. Hapja e disa kutive postare që vijnë nga vendi aziatik përhap në masë epideminë në qytetin ku mbërrin.
Coronavirus 2019-nCoV u zbulua për herë të parë në dhjetor 2019 në qytetin kinez Uuhan, një qytet i banuar nga 11 milion njerëz, e sëmundja besohet se është e lidhur me konsumin e ushqimit të detit dhe peshqve. Të prekurit kanë ethe dhe lodhje, të cilat shoqërohen me kollë të thatë dhe gulçim.
Kujtojmë se rreziku nga koronavirusi, që ka mbërthyer Kinën dhe po përhapet me shpejtësi dhe në shtete të tjera të botës sa vjen edhe po bëhet më i madh.
Deri më tani raportohen 81 të vdekur dhe qindra persona të infektuar.