Sapo iku edhe 2019-a, ku tanimë një tjetër Vit i Ri do të trokasë në jetët tona, ku të gjithë shpresojmë të jetë i begatë dhe i shëndetshëm për të gjithë.
Mirësevjen 2020!
Me shampanjë ose verë, gjel deti, dhurata, vizita, këngë, puthje e përqafime, u festua në familjet shqiptare për ndërrimin e viteve.
Kremtimi i Vitit të Ri është një ndër traditat më të vjetra rituale e shprehur gati tek të gjithë popujt e botës, pa marr parasysh racën, fenë, kombin, dhe përkatësitë e tyre të ndryshme.
Edhe në Shqipëri, të gjithë ne me ato pak kushte që kemi, jemi munduar të gëzojmë në këtë ditë të fundit të 2019-ës për t'i hapur dyert një tjetër viti.
Mos ngurroni të uroni të afërmit e tuaj si dhe portofolët mos i lini të zbrazëta, por i mbushni me monedha, sepse kështu besohet se viti i ardhshëm do t’ju përcjellë më shumë begati dhe pasuri financiare.
Ne si staf i JOQ s'na mbetet gjë tjetër veçse t'ju urojmë GEZUAR 2020!
