Një person është therur me thikë dje pasdite në fshatin Cernicë të Gjilanit. Lajmin e ka konfirmuar zëdhënësi i Policisë së Gjilanit, Ismet Hashani.
Sipas zëdhënësit, incidenti ka ndodhur rreth orës 17:00 dhe mësohet se të pëfshirët në incident janë fqinjë, raporton JOQ Kosova.
Sic mësohet, ka qenë një shqiptar që ka therur fqinjin e tij serb.
“Ka pasur një fjalosje dhe më pas njëri prej tyre e ka therur me thikë fqinjin. I njëjti është dërguar fillimisht në Pasjan për tretman mjekësor, pastaj në Spitalin e Gjilanit e më pastaj në Prishtinë. Në bazë të raportit të mjekut, i theruri është jashtë rrezikut për jetë. I dyshimti është i njohur për Policinë dhe është në kërkim”, ka thënë Ismet Hashani.
Ndryshe, ky fshat njihet se ka banorë edhe të komunitetit serb, e madje edhe fshatet ngjitur me të.