Eksperti i ekonomisë, Enriko Ceko ka folur në lidhje me situatën në vend duke theksuar se në vitin 2020 nuk do të ketë një rritje ekonomie vendi ynë.
Sipas tij, 6-mujorin e dytë do të kemi rritje ekonomike, por jo e mjaftueshme.
Për 'Fax News', ai iu hakërrye kabinetit qeveritar, të cilën e konsideroi si më të pashkolluarin që ka pasur ndonjëherë Shqipëria.
"Ka një piramidë hierarkie, menaxhimi i nivelit të lartë, të nivelit të mesëm dhe të nivelit të ulët. Në Shqipëri të gjithë bëjnë sikur i dinë të gjitha. Kemi një administratë publike që është një kosto shumë e madhe për buxhetin e shtetit", tha ai.
Ceko tha:
Unë mendoj që rritja ekonomike do të jetë 2.1, 2.2%. Ne nuk kemi produkt apo shërbim gjithë-vjetor. Nuk e kemi këtë mundësi. Duke patur një ekonomi që 6-mujorin e parë është e stopuar dhe ka vetëm kosto për shkak të tërmetit, nuk mund të themi se do të kemi rritje ekonomike. 6-mujorin e dytë do të kemi rritje ekonomike, por jo të mjaftueshme. Duhet të jemi me këmbë në tokë. Duke mashtruar veten tonë, ne mashtrojmë edhe të tjerët. Ky kabinet qeveritar është kabineti më i pashkolli që ka pasur ndonjëherë Shqipëria. Ka një piramidë hierarkie, menaxhimi i nivelit të lartë, të nivelit të mesëm dhe të nivelit të ulët. Në Shqipëri të gjithë bëjnë sikur i dinë të gjitha. Kemi një administratë publike që është një kosto shumë e madhe për buxhetin e shtetit.
Në lidhje me PPP, ai u shpreh se duhen hequr patjetër, pasi mënyra e aplikimit në Shqipëri, duket si interes i atyre që janë futur në lojë.
Ai tha:
PPP është i mirë në parim, në teori dhe ka shumë vende që e kanë aplikuar më shumë sukses këtë veprimtari ekonomike në interes të qytetarëve. Nga mënyra si është aplikuar në Shqipëri, duket si interes i atyre që janë futur në lojë. Kemi çështjen e prokurimeve publike që në 6 vitet e fundit kanë ardhur në rënie. Duhet patjetër të heqim dorë nga koncesionet dhe PPP.
