Një person dyshohet se mund të jetë rrëmbyer në kryeqytet.
Ky lajm është bërë publik nga gazetarja e njohur, Klodiana Lala e cila raporton për 'Balkan Web' se një person ka telefonuar policinë dhe e ka njoftuar se ka ndodhur një rrëmbim.
Kjo telefonatë ka mbërritur në sallën operative të policisë së Tiranës dhe theksohet se ngjarja ka ndodhur në zonën e Don Boskos.
Këto janë të vetmet detaje që janë bërë të ditur deri në këto momente.
Ende nuk dihet nëse ky është një denoncim i vërtetë apo nëse kemi të bëjmë me telefonatë të rreme.
Mbetet për tu parë në vijim!