Borusia e Dortmundit ka bërë surprizën e parë në merkato, teksa ka transferuar zyrtarisht sulmuesin më të kërkuar të momentit, Erling Haland.
19-vjeçari ka qenë protagonist absolut i këtij gjysmë-sezoni me Salzburgun ku ka shënuar 28 gola në 22 ndeshje në të gjitha kompeticionet.
Norvegjezi ka firmosur kontratë deri në vitin 2024 dhe do t’u bashkohet shokëve të rinj më 3 janar.
19-vjeçari, klient i Mino Raiolës kishte një klauzolë prej 20 milionë eurosh, e paguar nga Dordmundi, e cila hyn në fuqi muajin e ardhshëm.
Gjermanët pranuan t’i paguajnë edhe Raiolës 15 mln euro komision dhe 8 milionë futbollistit për firmën.
Zbulohet gjithashtu edhe rroga e sulmuesit për 4.5 vitet e ardhshme, e cila do jetë 8 mln euro në sezon. Shifër e jashtëzakonshme për një 19-vjeçar.