Të dielën në mbrëmje një burrë ka raportuar se tre persona të maskuar dhe nën kërcenim të armës i kanë marrë një telefon Samsung si dhe 70 Euro para të gatshme.
Ngjarja ka ndodhur në magjistralen Prishtinë-Ferizaj, raporton JOQ Kosova.
Policia e Kosovës e ka konfirmuar rastin, duke shtuar se të dyshuarit janë larguar pa gjurmë.
“Të dyshuarit janë larguar këmbë në drejtim të panjohur. Në vendin e ngjarjes kanë dalë njësitë përkatëse policore”, thonë Policia.
Ndryshe, janë të shpeshta rastet e plackitjeve nëpër bizneset kosovare, mirëpo të rralla janë rastet kur ato kryhen në mes të rrugës.