Arrestimi i Ahmet Isufajt bëri shumë bujë disa kohë më parë. Kujtojmë këtu se ai është xhaxhai i Arben Isufaj, i cili njihet me emrin ‘’Ben Qimja’’.
Ky i fundit ka një të shkuar të errët kriminale, por tani në qytetin e Fierit njihet si biznesmen. Xhaxhai i tij, Ahmet Isufaj kërkohej nga drejtësia kosovare, për trafik droge dhe pjesëmarrje në grup kriminal.
Por ky i fundit është liruar. Sipas ‘reporter.al’ vendimi për zbutjen e masës së sigurisë nga “Arrest në burg” 40 ditor në “Arrest shtëpie” është marrë dy ditë më parë nga gjykata e Apelit Vlorë.
Këtë vendim e kanë dhënë gjyqtarët Petrit Aliaj, Klodiana Gjyzari dhe Hysen Saliko. Po ashtu mësohet se shkak për të marrë këtë vendim janë bërë disa raporte mjekësore.
Thuhet se gjendja e xhaxhait të ‘Ben Qimes’ nuk ka qenë e mirë dhe ndaj kanë vendosur ta lënë në arrest shtëpie edhe pse ai kërkohet për një sërë veprash penale në Kosovë. Ky vendim është cilësuar si një skandal i drejtësisë shqiptare.
