Një aksident i rëndë ka ndodhur pasditen e sotme në qarkun e Lezhës, ku për pasojë një person ka humbur jetën.
Raportohet se ngjarja tragjike ka ndodhur në fshatin Zhej të Kurbinit.
Një makinë ka dalë nga rruga dhe për pasojë është përplasur me një bordurë, duke i shkaktuar kështu vdekjen një personi.
Theksohet se viktima është 24 vjeçari, Florian Tafa nga Bushneshi i Krujës, drejtues i automjetit.
Ende nuk dihen shkaqet e këtij aksidenti tragjik, ku i mori jetën të riut
Policia ndodhet në vendin e ngjarjes ku po punon për zbardhjen e këtij aksidenti tragjik, i cili ndodhi në aksin e vjetër nacional Mamurras-Laç.
Të tjera detaje priten në vijim nga kjo ngjarje.
Njoftimi i policisë:
Rreth orës 16:15, në aksin rrugor Laç-Mamurras, në fshatin Zheji, Kurbin mjeti tip “Benz” ka dalë nga rruga , ku për pasojë ka humbur jetën drejtuesi i mjetit shtetasi F.S.,24 vjeç, banues në Bushnesh, Krujë.