Gjatë ditës së djeshme, një përleshje fizike përfundoi me të shtëna armësh, me ç’rast mbeti i vrarë një person në Gjilan.
Sipas Policisë së Kosovës, viktima Lulzim Spahiu, nga Kamenica, u vra nga një zyrtar policor, me inicialet V.H, raporton JOQ Kosova.
Mediat në Kosovë raportojnë se viktima Lulzim Spahiu, ishte gjetur i vrarë brenda kamionit të cilin ai po e voziste, derisa ai ishte i shoqëruar nga djali i tij.
Poashtu mësohet se i dyshuari për vrasje, zyrtari policor, kishte qenë nën ndikimin e alkoolit.
Ndryshe, zyrtarit policor që kreu vrasjen i është dhënë paraburgimi prej 30 ditësh, ndërkohë që trupi i viktimës është dërguar për analiza në Mjekësinë Ligjore.