Një femër, e cila thotë se është e detyruar të vjedhë xhepat e blerësve në qendra të ndryshme tregtare, shprehet se brenda një viti arrin të fitojë rreth 250 mijë paund, përmes “profesionit” të saj. 23-vjeçarja, e cila është me origjinë nga Bullgaria dhe nuk ka preferuar të bëjë publik emrin, tregon se është detyruar të bëjë këtë punë pasi prindërit e saj e shitën në moshën 14 vjeçare, kundrejt 67 mijë paundëve.
Kështu, siç tregon vajza, pasi morën paratë, prindërit e detyruan të martohej me një person që ajo nuk e njihte e as nuk e donte. E reja bën me dije se përmes punës, e cila konsiston në vjedhjen e çantave apo xhepave të njerëzve, kur ata nuk e kanë mendjen, kur janë të shpërqëndruar në qendrat tregtare, fiton rreth 900 paund në ditë.
Megjithatë, këto para të fituara nuk shkojnë të gjitha në xhepin e 23-vjeçares, pasi ajo është e detyruar të dërgojë të holla në vendlindje, aty ku jetojnë fëmijët e saj, në një fshat pranë me kryeqytetin bullgar, Sofie.
Ajo tregon se fëmijët i mbajnë të afërmit e të shoqit dhe se paratë e saj menaxhohen nga burri. E reja bën me dije se ka frikë që në rast se nuk vepron siç e mëson i shoqi, nuk do të shikojë më kurrë të vegjlit e saj.
Për ta mbajtur nën kontroll, “tutorët” e telefonojnë orë pas ore, në mënyrë që të dinë shumën që ajo mbledh dhe t'ia dorzojë dikujt. Vajza shprehet se ka edhe persona të tjerë që punojnë prej orës 8 të mëngjesit e deri në mbrëmjen, rreth orës 9, para se të mbyllen qendrat tregtare, për të fituar sa më shumë para.
Nuk është shumë e qartë se ku shkojnë gjithë paratë që hajdutët e xhepave vjedhin. 23-vjeçarja në fjalë jeton në një shtëpi të marrë me qira bashkë me të shoqin dhe banesën e ndajnë edhe me 8 persona të tjerë. Edhe pse e kalon gjithë ditën duke vjedhur, bullgarja shprehet se nuk është një person me zemër të keqe.
Duke qarë ajo thotë:
***
Burim: Unilad |Përktheu dhe përshtati: JOQ Albania
