Aviacioni Civil në Itali ka vendosur pezullimin e lincecës për kompaninë ajrore "Fly Ernest".
Shkak për këtë vendim janë bërë vonesat e kësaj kompanie ajrore në itinerarin Shqipëri-Itali.
Në njoftimin e publikuar nga "Avion News", bëhet e ditur se pezullimi do të hyjë në fuqi në datën 13 janar.
Kjo masë u miratua nga ENAC, e mbështetur në dispozitat e Rregullores që përmban rregulla të përbashkëta për ofrimin e shërbimeve ajrore në Europë.
Kujtojmë këtu se në redaksinë e JOQ Albania kanë mbërritur shumë mesazhe nga qytetarë të ndryshëm që denonconin vonesat e shkaktuara nga kjo kompani ajrore.
Njoftimi i plotë:
Autoriteti Kombëtar i Aviacionit Civil informon se ka urdhëruar pezullimin e licencës së operimit për transportin e udhëtarëve dhe mallrave për kompaninë ajrore Ernest S.p.A. Ky pezullim do të hyjë në fuqi nga 13 janari 2020 me qëllimin e vetëm që të lejojë kompaninë ajrore që pasagjerët që tashmë posedojnë një dokument udhëtimi të udhëtojnë, ndërkohë që duhet të sigurojë informacionin e nevojshëm për përdoruesit për çdo fluturim të anuluar. Prandaj, transportuesi nuk do të jetë më në gjendje të lëshojë biletat e udhëtimit. Leja, megjithatë, mbetet në fuqi deri më 13 janar 2020, gjithashtu duke marrë parasysh pushimet e tanishme, si dhe Vitin e Ri. Masa u miratua nga ENAC në bazë të dispozitave të Rregullores (KE) nr. 1008 të vitit 2008, që përmban rregulla të përbashkëta për ofrimin e shërbimeve ajrore në Komunitetin Evropian. Sidoqoftë, nëse transportuesi siguron elementet e garancisë të kërkuara nga rregullat e komunitetit dhe këto elemente vlerësohen në mënyrë të favorshme nga Organi, masa e pezullimit mund të revokohet. ENAC do të vazhdojë të monitorojë kompaninë ajrore në mënyrë që të verifikojë miratimin e të gjitha nismave të mundshme për të mbrojtur respektimin e të drejtave të pasagjerëve.”