Politikani holandez anti-Islam Geert Wilders i është rikthyer planeve të tij për mbajtjen e një konkursi karikaturash tallëse për Profetin Muhamed. Gjithçka ndodhi vetëm një vit pasi një nismë e tij ishte anuluar nga frika e sulmeve në Holandë. Në një mesazh në Twitter, Wilders u bëri thirrje njerëzve të dërgojnë karikaturat e tyre të profetit.
Sipas holandezit, liria e fjalës duhet të mbizotërojë mbi dhunën e fatva-ve islamike. Wilders hoqi dorë nga një konkurs i ngjashëm gushtin e vitit të kaluar pasi policia arrestoi një burrë, që kishte kërcënuar ta vriste pikërisht për shkak të idesë së tij.
Në atë kohë, planet për të zhvilluarkonkursin nxitën demonstrata të mëdha në Pakistan, të organizuara nga partia islamike Tehreek-e-Labbaik, e cila u bëri thirrje vendeve islamike që të ndërpresin çdo lodhje me Holandën.
Riprodhimi i imazhit të Profetit Muhamed është tradicionalisht i ndaluar në islam, ndaj karikaturat e tij shihen si tejet fyese nga shumica e myslimanëve.
