Një 20-vjeçar nga qyteti i Shkodrës ka rënë në prangat e policisë. Ai është kapur me një sasi prej 93 gramësh kanabis në formë çokollate.
Sipas autoriteteve, sasia e kanabisit është gjetur në banakun e një kafeneje. Gjithashtu mësohet se është gjetur edhe një peshore elektronike.
Në pranga ka rënë S. L., 20 vjeç, ndaj të cilit rëndon akuza për veprën penale “Prodhimi dhe shitja e lëndëve narkotike”.
Nga ana tjetër, një 25-vjeçar është ndjekur penalisht, pasi në celularin e tij i është gjetur një faqe web-i i një faqeje sportive për loto. Ai është ndjekur penalisht në gjendje të lirë për veprën penale “Organizimi i lotarive të palejuara”.