Gazetari i njohur, Blendi Fevziu ka rrëfyer se si e përjetoi tërmetin e fuqishëm të 26 nëntorit.
I ftuar në emisionin "Mos i fol Shoferit" në RTV Ora, Fevziu u shpreh se njeriu mund ta ndeshë rrezikun kudo, edhe në mes të rrugës dhe në mes të ditës, dhe nuk mund ta përcaktojë dot atë që mund t'i ndodhë.
Ai foli edhe për ndërtesat që u shkatërruan nga tërmeti, për të cilat çdo kush aty ka derdhur të gjithë kursimet e jetës, teksa bëri fajtorë ndërtuesit e babëzitur.
Ai u shpreh:
Nuk jam panikaxhi. E di se njeriu rrezikun mund ta ndeshë dhe mund ta përballë edhe në mes të rrugës edhe në mes të ditës dhe jo në vënde që janë të frikshme, punë sekondash mund të bësh një aksident. Mund të jesh nisur për diku në avion dhe nuk e përcakton dot rrezikun që mund të ndodhë . Njeriu atë shtëpinë e ka garanci se mendon qe do e shesi për tu kuruar, për të shkolluar fëmijët dhe papritur nga babëzia e disa ndërtuesve ato u kthyen në shuka letrash dhe aty kupton që gjithçka që t’i ke siguruar në jetë për 5, 10 vjet gjithë kursimi i jetës tënde që është derdhur në atë shtëpi, befas u mbush me plasaritje si pasojë e një babëzie."
Teksa u pyet nga moderatorja nëse duhet të dënohet dikush për këtë fatkeqësi natyrore, Fevziu theksoi se duhen dënuar disa dhe jo dikush.
Ai foli edhe për 5 hotelet që u shembën, teksa theksoi se të gjithë ishin me letra të parregullta, duke bërë fajtor shtetin për këtë gjë.
Fevziu shtoi:
Në mënyrë absolute, duhet të dënohet më shumë se sa dikush. Nëse ky shtet do donte të ishte serioz, historia e parë ishin 5 hotelet që u shembën, ishin me letra të parregullta. Shteti është gabim në çdo gjë."
