Një ngjarje e rëndë ka ndodhur në komunën e Malishevës në Kosovë, ku nëntë persona janë përfshirë në një sherr të dhunshëm, duke u përleshur me njëri-tjetrin.
Burime nga Policia e Malishevës bëjnë me dije se ngjarja ka ndodhur pak para mesnatës të së premtes në rrugën "Ahmet Paqarizi", ndërsa një prej të rinjve të përfshirë në konfliktin fizik ka ndërruar jetë në spital.
19-vjeçari kishte marrë dëmtime të mëdha gjatë përleshjes fizike, të cilat i shkaktuan vdekjen.
Dyshohet se sherri ka ndodhur për motive banale, ndërsa policia ka arrestuar personat e përfshirë dhe ka bërë të mundur sekuestrimin edhe të dy automjeteve.
Autoritetet kosovare kanë nisur hetimet dhe po punojnë për zbardhjen e plotë të rrethanave të ngjarjes.
Njoftimi i Policisë së Malishevës: