Me anë të një postimi në rrjetet sociale deputeti Myslim Murrizi është shprehur se në Gjykatën e Lushnjes nepotizmi po lulëzon hapur.
Sipas tij në këtë gjykatë punësohen vetëm kushërinjtë e gjyqatarëve dhe prokurorëve. Më tej ai thotë se në datën 6 dhjetor u zhvillua një konkurs pune për pozicionin ‘Sekretare gjyqësore’.
Po ashtu në postimin e tij deputeti shkruan se u zgjodh Brixhilda Shallapi dhe sipas tij ajo është vajza e xhaxhait të prokurores, Natasha Shallapi.
Postimi i tij:
Zj Brixhilda Shallapi ka mbaruar vetëm Bachelor në Juridik, pra 3 vjeçar, nuk ka punuar asnjë ditë në asnjë vend, por Kryetarja e gjykatës Lushnje me dy mbiemra ( Xhili, Çeka) e shpall fituese ,sepse është vajza e xhaxhait të prokurores se prokurorisë Lushnje, zj Natasha Shallapi, dhe nuk pyet fare për vlerësimin e dy anëtarëve të tjerë të komisionit sepse ata janë me nga një mbiemër. Boll keni 29 vjet qeë emëroni gjyqtare e prokurore, nga një shtëpi, në një gjykatë apo prokurori, tani doni edhe sekretaret gjygjesore, që çdo pazar të mbyllet brenda familjes?? Ne gjykata dhe prokurori të Shqiperisë, nuk duhet të funksionoj trashegimia e fronit, nga nena tek i biri, e nga baba tek e bija. Nga 800 prokurorë e gjyqtaë që ka Shqipëria , nxirni emrat dhe shihni se sa lidhje familjare ka kjo trupë që vetëm drejtësi nuk ka dhënë KURRE për QYTËTARET e këtij vendi.”