Skena nga më të pazakontat kemi parë në autobusët urbanë në kryeqytet, duke nisur nga sherret mes fatorinove dhe pasagjerëve, vjedhjet e celularëve e portofolëve e deri tek ngacmimet e turpshme seksuale, gjë e cila i bën qytetarët që i frekuentojnë urbanet t'i bëjnë sytë katër gjatë udhëtimit nga njëri destinacion në tjetrin.
Së fundmi, një video e mbërritur në redaksinë e JOQ Albania, e filmuar nga një qytetar në urbanin e linjës Kombinat-Kinostudio, tregon momentin kur një pasagjer bën gjeste të turpshme ndaj një gruaje.
Denoncuesi shprehet se pasagjeri ishte rreth 25-vjeç, ndërsa siç shihet dhe në video, ai tenton të afrohet me zonjën që ndodhet para tij.
Ky nuk është rasti i parë në të tilla rethana, pasi në redaksinë e JOQ Albania janë denoncuar dhjetëra ngacmime seksuale në urbanët e kryeqytetit, ku ka patur edhe raste që të moshuar të ngacmojnë seksualisht vajza të reja, ose të bëjnë gjeste të turpshme para tyre.
Megjithatë, komentet ju takojnë juve!
Mesazhi i qytetarit:
