Edhe pse janë ditët e fundit të vitit 2019, kryetari i bashkisë së Tiranës, Erion Veliaj, nuk i kursen kërcënimet ndaj kujtdo që idel përpara dhe i prish planet e tij “brilante” për kryeqytetin. Kështu, në mbledhjen e fundit të Këshillit Bashkiak, Veliaj nuk përtoi t'ju dërgonte larg e larg një mesazh mbrojtësve të Teatrit.
Ai tha troç se kushdo që ka në plan të pengojë “zhvillimin” (se çfarë nënkupton me zhvillim dhe në të mirë të kujt është ky zhvillim, e di vetëm ai), do ta pësojë si banorët e Astirit. Në këtë mënyrë të lë të dyshosh se çështja e banorëve të Astirit ishte një telë e kapriço e Veliajt, e cila u bë realitet pasi në Shqipëri, si në çdo vend të botës së tretë “më i forti fiton gjithmonë”.
Kujtojmë se Veliaj ka në plan shembë godinën e Teatrit, të cilën nuk e preku as tërmeti e asnjë fatkeqësi tjetër natyrore, edhe pse trumbetohet me të madhe se kjo godinë është në gjendje të mjerueshme dhe “do të zejë artistët brenda”. Prej më shumë se 1 viti një grup artisësh dhe anëtarësh të shoqërisë civile kundërshtojnë projektin për shembjen e godinës ekzistuese të Teatrit Kombëtar dhe ndërtimin e një teatri të ri. Veliaj ka në plan që teatrin e ri ta shoqërojë me kulla shumëkatëshe, që iu dhanë kompanisë Fusha.
Ai tha sot:
Siç duket kryebashkiaku që është vënë në lojë dhe është tallur publikisht nga Kryeministri, që herë e trajton si bojaxhi të natës dhe herë si pastrues kanalesh, ka gjetur qytetarët e pambrojtur për t’i paralajmëruar dhe kërcënuar.
Në vijim ai tha se projekti i Teatrit Kombëtar do të marrë udhë me buxhetin 2020.