Burri që shpëtoi nga Alkatrazi i dërgon letër FBI-së: Jam gati të kthehem një vit në burg

FBI ka rihapur një hetim për tre arratisjet e Alcatraz pasi mori një letër që dyshoeht të jetë dërguar nga një prej të arratisurve. Clarence Anglin, i cili shpëtoi së bashku me vëllain e tij John dhe të burgosurin Frank Morris në vitin 1962, thuhet se i shkruajti një letër FBI-së.

Në letër thoshtë se ishte i gatshëm të kalonte edhe një vit tjetër në burg, vetëm e vetëm që të kurohej kundër kancerit. Sipas mediave të huaja, letra ishte shkruar dhe nisur në vitin 2013, por është bërë publike vetëm në vitjn 2018.

Sipas stacionit të lajmeve KPIX, në letër shkruhej:

Unë quhem John Anglin. U arratisa nga Alkatraz në qershor 1962 me vëllanë tim Clarence dhe Frank Morris. Unë jam 83 vjeç dhe në gjendje të keqe. Kam kancer. Ne arritëm të arratiseshim atë natë, por patëm vështirësi, Frank vdiq në Tetor 2005. Varri i tij është në Alexandria me një emër tjetër. Vëllai im vdiq në vitin 2011. Nëse më lajmëoni përmes lajmeve në televizor dhe më premtoni se do të qëndroj në burg për jo më shumë se një vit, ku do të marr kujdes mjekësor, do t;ju shkruaj një leëtër tjetër për t'ju bërë me dije vendndodhjen time. Kjo nuk është aspak një shaka”.

Alcatraz u ndërtua si burg nga i cili “asnjë i burgosur nuk mund të shpëtonte” dhe ndodhet në ishullin me të njëjtin emrër, në Gjirin e San Francisko, 1.25 milje larg nga kontinenti, i rrethuar nga rryma të forta dhe të paparashikueshme.

36 persona kanë tentuar seriozisht të largohen nga ishulli, por asnjëri prej tyre nuk ia ka dalë me sukses.

Misteri rreth vëllezërve Anglin dhe Morris, të cilët u arratisën dhe shpëtuan në vitin 1962, nuk është zgjidhur kurrë. Kjo arratisje është subjekt i filmit të 1979 nga “Arratisja nga Alcatraz”.

***

Burim: Unilad |Përktheu dhe përshtati: JOQ Albania