Prej disa muajsh, trajneri i Real Madridit, Zinedine Zidane, e ka shprehur hapur se e preferon në ekip një futbollist si Kilian Mbape dhe se marrëdhënia e mirë mes të dyve mund të ndikojë që francezi të transferohet në "Bernabeu".
Megjithatë, PSG-ja do të luftojë deri në fund për të mos e humbur një nga yjet më të mëdhenj sot për sot të futbollit, të paktën edhe për sezonin e ardhshëm.
Kështu, parisienët kanë përgatitur një kontratë të re për Mbape. Ata janë të gatshëm t’i ofrojnë të njëjtat kushte si të Neymar, me të njëjtën rrogë për ta bërë të ndjehet edhe më i rëndësishëm në ekip.
Mesa duket kjo është mënyra e vetme për ta “blinduar” një kampion bote në Paris. Gjithsesi, Reali vazhdon të presë prapa derës....
